Saturday, February 25, 2017

கல்வி தரத்தை உத்தரவாதப்படுத்தும் வகையில் இந்த புதிய சட்டமூலம் கொண்டுவரப்பட உள்ளது....
Bildergebnis für கல்வி
உயர்கல்வி தொடர்பில் சர்ச்சைகள் எழுந்துள்ள நிலையில் அரசாங்கம் மற்றும் தனியார் நிறுவனங்களினால் வழங்கப்படும் பட்டப்படிப்புகள் தொடர்பில் தரப்படுத்தலை மேற்கொள்ள புதிய சட்டத்தை அறிமுகப்படுத்த உள்ளதாக உயர் கல்வி அமைச்சர் லக்ஷ்மன் கிரியெல்ல தெரிவித்துள்ளார்.உலக வங்கி உதவியுடன் தயாரிக்கப்பட்டு வரும் புதிய சட்ட மூலமானது இன்னும் இரு மாதங்களில் பாராளுமன்றத்தில் சமர்ப்பிக்க தீர்மானித்துள்ளதாகவும் அவர் தெரிவித்தார்.
புதிய சட்டமூலத்தின் பணிகள் இறுதிக்கட்டத்தை எட்டியுள்ளதாகவும், பல்கலைக்கழக மானியங்கள் ஆணைக்குழு சட்டத்துக்கு அமையவும் மற்றும் அரச பல்கலைக்கழகங்களின் துணைவேந்தர்களின் ஆலோசனைகளுக்கு அமைவாகவும் குறித்த சட்டமூலம் உருவாக்கப்படுவதாகவும் அவர் குறிப்பிட்டார்.குறித்த சட்டமூலம் சைட்டம் கல்லூரியினால் வழங்கப்படும் மருத்துவ கல்விக்கும் உட்பட்டதாக இருக்கும் எனவும் அவர் தெரிவித்தார்.நாட்டில் எண்ணிலடங்காத பட்டப்படிப்புக்களை வழங்கும் நிறுவனங்கள் இயங்கி வருவதாகவும் குறிப்பாக 50 ஆயிரத்துக்கும் மேற்பட்ட மாணவர்கள் தலைமைத்துவத்துக்கான பட்டப்படிப்புகளை தனியார் நிறுவனங்களில் பயின்று வருவதாகவும் தெரிவித்தார்.எனவே இவர்களின் கல்வி தரத்தை உத்தரவாதப்படுத்தும் வகையில் இந்த புதிய சட்டமூலம் கொண்டுவரப்பட உள்ளது என தெரிவித்தார்.
காணாமல் ஆக்கப்பட்டவர்களின் உறவினர்கள் முன்னெடுத்துள்ள போராட்டம்... 
கிளிநொச்சி மாவட்டத்தில்  காணாமல் ஆக்கப்பட்டவர்களின் விடுதலையையும், வெளிப்படுத்தலையும்  வலியுறுத்தி காணாமல் ஆக்கப்பட்டவர்களின் உறவினர்கள் முன்னெடுத்துள்ள போராட்டம் இன்று (25) ஆறாவது நாளாகவும் தொடர்கிறது.கடந்த 20 ஆம் திகதி கிளிநொச்சி கந்தசுவாமி ஆலயம் முன்றலில் இந்தக் கவனயீர்ப்பு போராட்டம் ஆரம்பிக்கப்பட்டு இன்று ஆறாவது நாளாகவும் தொடர்கிறது.காணாமல் ஆக்கப்பட்டவர்களின்  விடயத்தில்  இனியும் காலம் தாமதிக்க  வேண்டாம் எனவும் இலங்கை அரசுக்கு பொறுப்புக் கூறல் விடயத்தில் ஜ.நா. கால அவகாசம் வழங்கக்கூடாது என்றும்  காணாமல்  ஆக்கப்பட்டவர்களின் உ றவினர்கள் தெரிவித்துவருகின்றனர்.தங்களுக்கு உறுதியான தீர்வு கிடைக்கும் வரைக்கும் கவனயீர்ப்பு போராட்டத்தை தொடரப் போவதாகவும், கவனயீர்ப்பு போராட்டத்தில் ஈடுப்பட்டுள்ள காணாமல் ஆக்கப்பட்டவர்களின் உறவினர்கள் தெரிவித்துள்ளனர்.

Friday, February 24, 2017

ஆணவ குணம் அடக்கப்பட, சிவபெருமானை வணங்கும் நாள் சிவராத்திரி....
Bildergebnis für சிவராத்திரி
சிவராத்திரி விரதம் அனுஷ்டித்தால் குடும்பத்தில் நன்மை பெருகும். மாசி மாதம் வரும் தேய்பிறை சதுர்த்தசிதான் மகா சிவராத்திரி. எந்த ஓர் உயிருக்கும் ஆணவ குணம் சிறிதேனும் இருக்கும். அதற்கு தேவாதி தேவர்களும் விலக்கல்ல. தங்களின் ஆணவ குணம் அடக்கப்பட, அவர்கள் சிவபெருமானை வணங்கும் நாள் சிவராத்திரிதான்.
அந்த நாளின் மூன்றாம் காலத்தில் சிவனாரை வழிபட்டால் எப்பேர்ப்பட்ட பாவங்கள் செய்திருந்தாலும் விட்டு விலகிப் போகும். அதாவது, தன்னால் ஒதுக்கப்பட்ட, தான் ஏற்றுக்கொள்ளாத விஷயங்களைக்கூட சிவபெருமானார் அந்த நேரத்தில் ஏற்றுக்கொண்டு, மன்னித்து அருள்புரிவாராம். அந்த அளவிற்கு மகத்துவம் மிக்க நேரம் அது. சரி, அன்றைய தினத்தில் என்ன செய்ய வேண்டும்?
சிவராத்திரிக்கு முதல் நாளன்று ஒரு வேளை உணவு உண்டு, சுகபோகங்கள் அனைத்தையும் தவிர்க்க வேண்டும். மறு நாள் சிவராத்திரியன்று அதிகாலையில் எழுந்து நீராடி, சூரியன் உதிக்கும்போது காலையில் செய்ய வேண்டிய அனுஷ்டானங்களை (பூஜைகள் போன்றவற்றை) செய்தபின், சிவன் கோயிலுக்குச் சென்று முறைப்படி தரிசனம் செய்து திரும்ப வேண்டும்.
கோயிலுக்குள் கொடிமரத்தைத் தவிர வேறு எந்த சந்நிதியிலும் விழுந்து நமஸ்காரம் செய்யக் கூடாது. அதேபோல் எந்தச் சந்நிதியிலும் அங்கப்பிரதட்சணமாக வலம் வரக் கூடாது. சுவாமிக்கும் அவர் முன்னால் உள்ள வாகனத்துக்கும் நடுவே போகக்கூடாது. நம் ஆடையில் இருந்து நூலை எடுத்து சண்டேஸ்வரர் மீது போடக் கூடாது. ஆண்கள், தலைக்கு மேல் கை கூப்பி ஸ்வாமியை வணங்க வேண்டும். பெண்கள், நெஞ்சுக்கு நேராகக் கைகளை வைத்து வழிபட வேண்டும்.
வீட்டில் பூஜை செய்யும் முறை...
முறைப்படி தரிசனம் முடித்து வீட்டுக்கு வந்தவுடன், சிவராத்திரி பூஜைக்கு உரிய இடத்தைச் சுத்தம் செய்து, மாலை, தோரணங்கள் ஆகியவற்றால் அலங்காரம் செய்ய வேண்டும். அதன் பின் நடுப்பகலில் நீராடி, உச்சி கால அனுஷ்டானங்களை முடித்துவிட்டு சிவபூஜைக்கு உரிய பொருட்களைச் சேகரித்து, சூரியன் மறையும் வேளையில் சிவராத்திரி பூஜைக்கு ஏற்பாடு செய்ய வேண்டும்.
முதல் ஜாமத்தில் (மாலை 6 முதல் 9 மணி வரை): சுவாமிக்குப் பஞ்ச கௌவியத்தால் அபிஷேகம் செய்ய வேண்டும். பசும் பால், பசுந் தயிர், பசு நெய், பசுவின் சிறுநீர், பசுஞ்சாணம்- இந்த ஐந்தும் கலந்தது, பஞ்சகவ்யம் (அளவு-1:2:3:1:1). அகில் குழம்பும், வில்வமும் சாற்ற வேண்டும். தாமரைப் பூக்களால் அர்ச்சனை செய்ய வேண்டும். பயத்தம் பருப்பு கலந்த பொங்கலை நைவேத்தியம் செய்து, ரிக் வேதம் சொல்ல வேண்டும்.
இரண்டாம் ஜாமத்தில் (இரவு 9 முதல் 12 மணி வரை): பஞ்சாமிர்த அபிஷேகம் செய்ய வேண்டும். தேன், சர்க்கரை, தயிர், பால், நெய் ஆகிய ஐந்தும் கலந்தது பஞ்சாமிர்தம். இதில் தயிரை நீக்கி வாழைப்பழத்தைச் சேர்ப்பதும் உண்டு. சந்தனமும், தாமரைப் பூவும் சாற்ற வேண்டும். துளசியால் அர்ச்சனை செய்து பாயசம் நைவேத்தியம் செய்து, யஜுர் வேதம் சொல்ல வேண்டும்.
மூன்றாம் ஜாமத்தில் (இரவு 12 முதல் அதிகாலை 3 மணி வரை): தேன் அபிஷேகம் செய்ய வேண்டும். அரைத்த பச்சைக் கற்பூரம், ஜாதி முல்லை மலர் சாற்ற வேண்டும். மூன்று இலைகள் கொண்ட வில்வத்தால் அர்ச்சனை செய்து, எள் சாதம் நைவேத்தியம் செய்து, சாம வேதம் சொல்ல வேண்டும்.
நான்காம் ஜாமத்தில் (அதிகாலை 3 முதல் 6 மணி வரை): கரும்புச் சாறினால் அபிஷேகம் செய்து, அரைத்த குங்குமப்பூவுடன் நந்தியா வட்டை மலர் சாற்ற வேண்டும். நீலோத்பல மலரால் அர்ச்சனை செய்து சுத்தமான அன்னத்தை நைவேத்தியம் செய்து, அதர்வண வேதம் சொல்ல வேண்டும். 
அதன்பின் மறு நாள் அதிகாலையில் நீராடி, காலை அனுஷ்டானங்களுடன் உச்சி கால அனுஷ்டானத்தையும் சேர்த்து முடித்துவிட்டு நமக்கு உபதேசம் செய்த தீட்சை குருவை வணங்கி, அவர் ஆசி பெற்று, ஒரு சில ஏழை களுக்காவது உணவளித்து, அதன் பின் நாம் உண்ண வேண்டும். இவ்வளவையும் சூரியன் உதித்து இரண்டரை மணி நேரத்துக்குள் செய்ய வேண்டும்.
சிவராத்திரி அன்று வீட்டில் பூஜை 
செய்ய முடியாதவர்கள்...
கோயில்களில் நடக்கும் பூஜைகளில் கலந்துகொள்ளலாம். சிவராத்திரி அன்று கண் விழிக்க வேண்டும் என்பதற்காக, தாயக்கட்டம் ஆடுவதோ, திரைப்படங்கள் பார்ப்பதோ தவறு. தேவாரம், திருவாசகம், சிவபுராணம், சிவ ஸ்தோத்திரங்கள் முதலானவற்றைப் படிப்பதோ அல்லது யாரையாவது படிக்கச்சொல்லி, கேட்கவோ வேண் டும்.
சிவராத்திரி அன்று இரவு முழுவதும் ‘சிவபுராண’ உபன்யாசம், ஒரு சில கோயில்களில் நடைபெறுகிறது. அதைக் கேட்கலாம்; அமைதியாக சிவ மந்திரங்களை சொல்லி தியானிக்கலாம். நாள் முழுவதும் ஓம் நமசிவாய மந்திர ஜபத்தை தியானிக்க வேண்டும். இரவில் சிவாலயத்தில் ஒன்றுகூடி நான்கு கால அபிஷேக தரிசனமும், மந்திரஜெபமும் செய்யவேண்டும்.  என் இதயத்தாமரையில் வீற்றிருக்கும் ரத்தினமான சிவனே! உம்மை நான் வணங்குகிறேன். சிரத்தை, பக்தி என்னும் நதியிலிருந்து கொண்டு வரப்பட்ட புனித நீரான என் தூய மனதால் அபிஷேகம் செய்கிறேன். தியானம் என்னும் நறுமணப்பூக்களால் வழிபடுகிறேன் என்று சொல்லி உளமாற வழிபட வேண்டும். எங்கும் நிறைந்திருக்கும் இறையாற்றலை எளியோரும் உணரும் அற்புத தினம்! மஹாசிவராத்திரி அனைவருக்குமே வாழ்வை முற்றிலுமொரு புதிய கோணத்தில், என்றும் இல்லா தெளிவுடன் காணமுடியும். வெறும் கண்விழித்திருக்கும் ஒருநாளாக இல்லாமல் அதிதீவிர விழிப்புணர்வும், உயிரோட்டமும் உங்களுக்குள் ஊற்றெடுக்கும் நாளாக இது அமைந்திட வேண்டும். சிவராத்திரி நாளன்று மனவீட்டில் விளக்காக திகழும் ஐந்தெழுத்து மந்திரம் நமசிவாயத்தை இயன்றவரை சொல்லி ஆயிரமாயிரம் நன்மைகளை வாழ்வில் பெறுவோம். ""மஹா சிவராத்திரி இரவு வெறுமனே விழித்திருக்கும் இரவாக இல்லாமல், விழிப்புணர்வு தரும் இரவாகவும் ஆன்மிகத்தின் முழுப்பரிமாணத்தையும் உணர உறுதுணையாக இருக்கும் இரவாகவும் அமையட்டும்.    
காவாய் கனகத் திரளே போற்றி
கயிலை மலையானே போற்றி போற்றி

 இந்து அடியார்கள் ஆன்ம ஈடேற்றம் கருதி சிவராத்திரி அனுட்டானங்களில் ஈடுபடுகிறார்கள். அவர்களின் அபிலாஷைகள் நிறைவேற வேண்டுமென தாம் பிரார்த்திப்பதாக ஜனாதிபதி  விடுத்துள்ள விடுத்துள்ள விசேட செய்தியில் தெரிவித்துள்ளார்....

shiva Rathree Tamil page 001 1024x1453

அனைத்து மக்களுக்கும் அர்த்தபூர்வமான வாழ்வுக்கு வழிகாட்டக் கூடியதாகும்...

Bildergebnis für மகா சிவராத்திரி
மகா சிவராத்திரி இந்து பக்தர்களுக்கு போன்றே அனைத்து மக்களுக்கும் அர்த்தபூர்வமான வாழ்வுக்கு வழிகாட்டக் கூடியதாகுமென்று பிரதமர் ரணில் விக்கிமசிங்க மகா சிவராத்திரி தினத்தைமுன்னிட்டு விடுத்துள்ள   விசேட செய்தியில் தெரிவித்துள்ளார்.மகா சிவராத்திரி தினத்தைமுன்னிட்டு விடுத்துள்ள   விசேட செய்தியில் பிதமர் மேலும் தெரிவித்துள்ளதாவது:சிவபெருமானுக்கு மிகவும் விருப்பமான இரவாக சிவராத்திரி கருதப்படுகிறது. மகா சிவராத்திரி தினத்தை குடும்பத்தவர்கள், உறவினர்கள், நண்பர்கள், அயலவர்கள் என அனைவருடனும் ஒன்றிணைந்து, ஒரே மனதுடன் மகிழ்ச்சியாகக் கெண்டாடுவது இந்து பக்தர்களின் வழக்கமாகும்.இத்தினத்தில் உபவாசம், தியானம் மற்றும் சிவபெருமானை வணங்குதல் என்பவற்றுக்கு முக்கியத்துவம் வழங்கப்படுவதுடன், சிவராத்திரி முழுவதும் விழித்திருந்து புண்ணிய கருமங்களில் ஈடுபட்டு, அர்த்தபூர்வமாக அதனைக் கழிப்பதன் ஊடாக ஆன்மீக விடுதலை கிடைக்கும் என்பது இந்து பக்தர்களின் நம்பிக்கையாகும். சிவபெருமானின் நடனம் இடம்பெற்ற தினமாகக் கருதப்படும் மகா சிவராத்திரியில் இந்து கலாசார, கலை நிகழ்வுகளுக்கு முக்கியத்துவம் அளிக்கப்படும்.சமய சிந்தனை, இலக்கியம், கலை போன்ற அனைத்துத் துறைகளினதும் ஒருமைப்பாட்டுடன், ஒன்றிணைவு மற்றும் சகவாழ்வினுள் ஆன்மீக விடுதலையை எதிர்பார்க்கும் மகா சிவராத்திரி தினமானது, இந்து பக்தர்களைப் போன்றே அனைத்து மக்களுக்கும் அர்த்தபூர்வமான வாழ்வுக்கு வழிகாட்டக் கூடியதாகும் உலகவாழ் அனைத்து இந்து மக்களுக்கும் அர்த்தபூர்வமான மகா சிவராத்திரி தினமாக அமையட்டும் என உளப்பூர்வமாகப் பிரார்த்திக்கிறேன் என்று குறிப்பிட்டுள்ளார்.   
மக்களின்  காணிகளிலிருந்து இராணுவத்தினர் தற்போது வெளியேறிற்றம்.... 
Bildergebnis für கிளிநொச்சி பரவிப்பாஞ்சான்
கிளிநொச்சி பரவிப்பாஞ்சான் இராணுவ முகாம் அமைந்துள்ள பொதுமக்களுக்குச் சொந்தமான 9 ஏக்கர் காணியை விடுவிக்குமாறு வலியுறுத்தி இன்று ஐந்தாவது நாளாக மக்கள் போராட்டத்தில் ஈடுபட்டு வந்த நிலையிலேயே இராணுவத்தினர் அங்கிருந்து வெளியேறி வருகின்றனர்.கிளிநொச்சி பரவிப்பாஞ்சான் மக்களுக்கும் இராணுவத்தினருக்கும் இடையிலான சந்திப்பொன்று நேற்று நடைபெற்றது.அதன்போது மக்களின் காணிகளை பிரதேச செயலாளர் அடையாளப்படுத்தியதன் பின்னர் தாம் வெளியேறுவதாக இராணுவத்தினர் உறுதியளித்திருந்தனர். அதன்படி, நேற்றைய தினம் மக்கள் தமது காணிகளை பிரதேச செயலாளருக்கு அடையாளம் காட்டியிருந்த நிலையில் இன்று ஐந்தாவது நாளாகவும் தமது போராட்டத்தை தொடர்ந்து வந்த நிலையிலேயே இராணுவத்தினர் அங்கிருந்து வெளியேறி வருவதாக தெரிவிக்கப்படுகிறது.அத்துடன் மக்கள் முகாம் அமைந்துள்ள பகுதிகளுக்குள் சென்று காணிகளை சுத்தப்படுத்தவும் இராணுவத்தினர் அனுமதியளித்துள்ளனர். எனினும் குறித்த பகுதியைவிட்டு இராணுவம் முழுமையாக வெளியேறும்வரை ஊடகவியலாளர்கள் அப்பகுதிக்கு அனுமதிக்கப்படவில்லை என்பது குறிப்பிடதக்கது.
ஒரு சத­வீ­தத்­தினர் குற் றம் செய்­தி­ருக்­கலாம். அவ்­வா­றான­வர்கள் தண்­டிக்­கப்­பட வேண்டும்...
 Bildergebnis für 99.9
99.9 சத­வீ­த­மான படை­யினர் மிகவும் நேர்­மை­யா­கவும் ஒழுக்­க­மா­க­வுமே யுத்தம் செய்­தனர். எமது படை­யினர் பாலியல் துஷ்­பி­ர­யோ­கங்­களில் ஈடு­ப­ட­வில்லை. எனினும் ஒரு சத­வீ­தத்­தினர் குற் றம் செய்­தி­ருக்­கலாம். அவ்­வா­ற­ான­வர்கள் தண்­டிக்­கப்­பட வேண்டும். அதற்கு மக்கள் எதிர்ப்பு தெரி­விக்­கப் ­போ­வ­தில்லை என கடற்றொழில் மற்றும் நீரியல் வளத்­துறை அமைச்சர் மஹிந்த அம­ர­வீர தெரி­வித்தார்.அத்­துடன் மாகாண சபை­களைச் சேர்ந்த தமிழ் பிர­தி­நி­திகள் தெற்கு சிங்­க­ள­வர்­களின் மனதை புண்­ப­டுத்தும் வகையில் செயற்­ப­டு­கின்­றனர். இதனால் நல்­லி­ணக்கப் பய­ண த்தை முன்­னெ­டுத்துச் செல்­வது கடி­ன­மா கும். எனினும் தமிழ் பாரா­ளு­மன்ற உறுப்­பி னர்கள். நேர்­மை­யாக செயற்­ப­டு­கின்­றனர் என்றும் அவர் சுட்­டிக் ­காட்­டினார். 
பாரா­ளு­மன்­றத்தில் நேற்று வியா­ழக்­கி­ழமை இலங்கை பொறி­யியல் பேரவை சட்­ட­மூலம் மீதான விவா­தத்தில் கலந்து கொண்டு உரை­யாற்றும் போதே அவர் மேற்­கண்­ட­வாறு தெரி­வித்தார். நாட்டில் இரா­ணுவ வீரர்கள் யுத்­தத்தை வெற்­றி ­கொண்­ட­மைக்­காக அவர்கள் செய் யும் தவ­று­க­ளுக்­காக அவர்­களை கைது செய்­யாமல் இருக்க முடி­யாது. குற்றம் இழைத்­தி­ருந்தால் பார­பட்சம் பார்க்­காமல் தண்­டிக்­கப்­பட வேண்டும். இப்­படி செயற்­பட்டால் தான் நாடு என்ற வகையில் எம்மால் முன்­னேற்றம் அடைய முடியும்.
ஊட­க­வி­ய­லாளர் கொலை சம்­பந்­தப்­பட்­ட­ மைக்­காக இரா­ணுவ வீரர்கள் கைது செய்­யப்­பட்­டுள்­ளனர். அவர்கள் குற்றம் இழைத்­தி­ருந்தால் தண்­டிக்­கப்­பட வேண்டும். எனி னும் தப்பு செய்­யா­ விட்டால் அது தொடர் பில் நாம் மீளாய்வு செய்ய முடியும். அத்­து டன் ஓய்­வூ­திய இரா­ணுவ வீரர்கள் சிறைச்­சா­லையில் இருக்கும் விதம் தொடர்பில் ஜனா­தி­ப­தியின் அவ­தா­னத்­திற்கு கொண்டு வரு வோம். இரா­ணுவ வீரர்­களை வேட்­டை­யா­டு­ வ­தற்கு நாம் ஒரு­போதும் இட­ம­ளிக்க மாட் டோம். எமது இரா­ணுவ வீரர்கள் பாலியல் துஷ்­பி­ர­யோ­கங்­களில் ஈடு­ப­ட­வில்லை. யுத்­த­ கா­லத்தின் போது 99.9 சத­வீ­தத்­தினர் மிகவும் நேர்­மை­யா­கவும் ஒழுக்­க­மா­க­வுமே செயற்­பட்­டனர். எனினும் ஒரு சிலர் தப்பு செய்­தி­ருக்­கலாம். ஆகவே தப்பு இழைத்­த­வர்கள் தண்­டிக்க வேண்டும். அதில் எந்­த­வொரு ஆட்­சே­ப­னையும் இல்லை. 
சர்­வ­தேச அளவில் இரா­ணுவ வீரர்­க­ளுக்கு இருந்த அச்­சத்தை நாம் அகற்­றி­யுள்ளோம். முன்­னைய காலங்­களில் மார்ச் மாதம் ஐக் ­கிய நாடு­களின் மனித உரிமை கூட்­டத்­தொடர் வரும் போது இரா­ணுவ வீரர்கள் பெரும் அச்­சத்­து­டனே காணப்­பட்­டனர். ஆனால் அந்த சூழலை ஜனா­தி­பதி மைத்­தி­ரி­பால சிறி­சேன மாற்­றி­யுள்ளார். எனவே தற்­போது நாட்டில் அனைத்து இனத்­த­வர்­க­ளுக்கும் சம உரிமை வழங்­கப்­பட வேண்டும். சம அந்­தஸ்து வழங்­கப்­பட வேண்டும். யுத்­த­த்தினால் மக்கள் அதிகம் பாதிக்­கப்­பட்­டனர். 
எனினும் தமிழ்த் தேசியக் கூட்­ட­மை ப்பு பாரா­ளு­மன்ற உறுப்­பி­னர்கள் ஒழுங்கு முறையின் பிர­காரம் இன நல்லிணக் கத்தை ஏற்படுத்தும விதமாக செயற்பட்டாலும் வடக்கு, கிழக்கு மாகாண சபை பிரதிநிதி கள் சிலரினால் தெரிவிக்கப்படும் கருத்து கள் சிங்கள மக்களின் மனங்களை புண்படச் செய்துள்ளன. இவ்வாறான செயற்பாடுகளி னால் இன நல்லிணக்கத்தினை எதிர்பார்க்க முடியாது போகும் என்றார்.